OMM Redaksiyası
UEFA Avropa Liqasının ümumi mərhələsində “Kristal Pelas” və “Hoffenhaym” komandaları üz-üzə gəlib. Noyabrın 5-də Londondakı “Selhurst Park” stadionunda keçirilən görüş 1:1 hesabı ilə yekunlaşıb.
Qonaqlar hesabı 7-ci dəqiqədə açıblar. Tim Lemperlenin ötürməsindən sonra avstriyalı yarımmüdafiəçi Aleksander Prass fərqlənib.
“Kristal Pelas” məğlubiyyətdən əlavə vaxtda xilas olub. 90+2-ci dəqiqədə müdafiəçi Tayrik Mitçellin ötürməsini yaponiyalı yarımmüdafiəçi Daichi Kamada qolla tamamlayaraq yekun hesabı müəyyənləşdirib.
London təmsilçisinin futbolçusu Uorton 77-ci dəqiqədə qırmızı vərəqə alaraq meydandan kənarlaşdırılıb. Qarşılaşmanı rumıniyalı hakimlər briqadası, baş hakim Xoratsiu Feşnik olmaqla idarə edib.
