OMM Redaksiyası
“Real Madrid”də Kriştiano Ronaldo ilə birgə çıxış etmiş Serxio Ramos futbolçunun Portuqaliya millisində karyerasını başa vurması barədə açıqlamasına reaksiya verib. Ronaldo bu qərarı sosial şəbəkə hesabında açıqlayıb.
Ramos onun paylaşımına şərhində yazıb: “Doğrudan?! He-he-he. Əsl heyvandır. Həyatın başqa şeylərindən zövq almağın vaxtıdır”.
41 yaşlı Ronaldo Portuqaliya millisində debütünü 18 yaşında, 2003-cü il avqustun 20-də Qazaxıstan yığması ilə yoldaşlıq görüşündə edib. O, 1:0 hesabı ilə başa çatan matçın ikinci hissəsində meydana çıxıb.
Hücumçu Portuqaliya millisində ümumilikdə 234 oyun keçirib, 146 qol vurub və 45 məhsuldar ötürmə verib. Ronaldo 2016-cı ildə Avropa çempionu, 2018/2019 və 2024/2025 mövsümlərində isə UEFA Millətlər Liqasının qalibi olub.
