Pol Skoulz “Mançester Yunayted”ə transfer etməli olduğu beş futbolçunu açıqlayıb

“Mançester Yunayted”in keçmiş yarımmüdafiəçisi Pol Skoulz klubun vəziyyətini düzəltmək üçün transfer edilməli olduğunu düşündüyü beş futbolçunun adını çəkib. O, bu barədə “The Good, The Bad & The Football” podkastının buraxılışında danışıb.

Skoulzun siyahısında “Arsenal”ın müdafiəçisi Qabriel Maqalyaes və həmin klubun yarımmüdafiəçisi Deklan Rays yer alıb. O, həmçinin “Bavariya”nın cinah oyunçusu Maykl Olise, eləcə də “Real Madrid”in futbolçuları Kilian Mbappe və Cud Bellingemi transfer hədəfləri kimi göstərib.

“Mançester Yunayted” İngiltərə Premyer Liqasının doqquz turundan sonra turnir cədvəlinin 17-ci pilləsində qərarlaşıb. Komanda liqadan düşmə zonasındakı “Kristal Pəlas”ı əlavə göstəricilərə görə qabaqlayır. Hər iki klubun hesabında yeddi xal var.