Azərbaycan boksçuları Çində 10 medal qazanıblar

Azərbaycan boksçuları Çində böyüklər və U-19 yaş qrupu arasında keçirilən “Kəmər və Yol” beynəlxalq turnirində 10 medal qazanıblar.

Dünya çempionatına hazırlaşan U-19 milli komandasının heyətində Nihat Qasımov (55 kq) və Səftər Məmmədzadə (+90 kq) turnirin qalibi olublar.

Heydər Əzməmmədov (85 kq) gümüş medal əldə edib. Əli Baxışov (60 kq), Renat Qiyaslı (80 kq) və Zaur Səmədov (90 kq) isə yarışı bürünc medalla başa vurublar.

Azərbaycanın əsas milli komandasında Tural Sarıyev (55 kq) və Sərxan Əliyev (70 kq) ikinci, Zəlimxan Süleymanov (55 kq) və Zaur Qəhrəmanov (65 kq) üçüncü yeri tutublar.

Boksçular turnirdən əvvəl 26 ölkənin iştirakı ilə keçirilən beynəlxalq təlim-məşq toplanışına da qatılıblar.