OMM Redaksiyası
Azərbaycan Alpinizm Federasiyasının yeni prezidenti seçilib.
Gənclər və İdman Nazirliyinin inzibati binasında keçirilən Azərbaycan Alpinizm Federasiyası İctimai Birliyinin ümumi yığıncağında Ekologiya və təbii sərvətlər nazirinin birinci müavini Ağakərim Səmədzadə federasiyanın rəhbəri seçilib.
Yığıncaq Dövlət Himninin səsləndirilməsi ilə başlayıb. Gənclər və idman naziri Fərid Qayıbov iştirakçıları salamlayaraq onlara uğurlar arzulayıb. O, dörd il ərzində federasiyaya rəhbərlik edən Muxtar Babayevə fəaliyyətinə görə təşəkkür edib.
Toplantıda Azərbaycan Alpinizm Federasiyasının 2022-2026-cı illərdə gördüyü işlərə dair hesabat təqdim olunub və səsvermə yolu ilə təsdiqlənib.
Daha sonra federasiyanın rəhbərliyinə seçki keçirilib. Yeni prezident Ağakərim Səmədzadə göstərilən etimada görə təşəkkürünü bildirib və alpinizmin inkişafı istiqamətində əlindən gələni edəcəyini vurğulayıb.
