"Atletiko Madrid"in futbolçusu Anxel Korrea karyerasını Meksika çempionatında davam etdirəcək.
"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano məlumat yayıb.
Qeyd edilib ki, 30 yaşlı argentinalı forvard "Tiqres"ə keçib.
Artıq tərəflər yekun razılığa gəliblər və transfer yaxın vaxtlarda rəsmən açıqlanacaq.
Korreanın Meksika klubu ilə 5 illik - 2030-cu ilin yayına qədər müqavilə imzalayacağı gözlənilir.
Ötən 2024/25 mövsümündə forvard "Atletiko"nun heyətində bütün turnirlərdə 46 oyun keçirib, 8 qol vurub və komanda yoldaşlarına 5 məhsuldar ötürmə verib.
