OMM Redaksiyası
“Neftçi”nin futbolçusu Adeleke Akinyemi komandasının Misli Premyer Liqasının 10-cu turunda səfərdə “Şamaxı”nı 3:2 hesabı ilə məğlub etdiyi oyundan sonra fikirlərini bölüşüb.
Hücumçu qələbədən məmnun olduğunu bildirərək meydanda əlindən gələni etməyə çalışdığını deyib. Onun sözlərinə görə, “Neftçi” çempionatın əvvəlindən hər matça qələbə düşüncəsi ilə çıxır və komandanın inamı böyükdür.
Akinyemi çempionluğa nail olacaqlarına ümid etdiyini vurğulayıb: “İnşallah, çempionluğa nail olacağıq”. O, Şamaxıdakı qarşılaşmanın çətin keçdiyini də qeyd edib.
“Bəzən futbolda belə olur. Çətinliklərlə üzləşirsən. Amma sonadək inanırıq. Əlimizdən gələni edəcəyik”, – deyə forvard bildirib.
Bu qələbədən sonra “Neftçi”nin xallarının sayı 21-ə çatıb və komanda turnir cədvəlinin birinci pilləsinə yüksəlib.
