ABŞ prezidenti Co Bayden administrasiyası və Səudiyyə Ərəbistanı krallığın İsraillə diplomatik əlaqələrinin normallaşdırılması müqabilində müdafiə sazişi imzalamağa yaxındır.
"Operativ Məlumat Mərkəzi-OMM" xəbər verir ki, bu barədə Amerika və Səudiyyə rəsmilərinə istinadən Wall Street Journal (WSJ) yazır.
WSJ-nin məqaləsində qeyd edilir ki, saziş Səudiyyə Ərəbistanının mövqeyini yaxşılaşdırmalı və ABŞ-ın Yaxın Şərqdəki hərbi rolunu gücləndirməlidir. Müqaviləyə krallığın mülki nüvə proqramının inkişafına dəstək daxildir.
Razılaşma həmçinin Səudiyyə Ərəbistanının regional rəqibi olan İranla gərginliyi artıra və Rusiya ilə əlaqələri dərinləşdirə bilər.
WSJ-nin fikrincə, diplomatik səylərin uğuru İsrailin Fələstin dövləti yaratmaq və Qəzza zolağında müharibəni dayandırmaq əzmindən asılıdır.