Afət Ziyadqızı
ABŞ Prezidenti Donald Tramp Rusiya ilə son diplomatik təmaslardan sonra Moskvanın mövqeyindən məyusluğunu ifadə edib.
"Operativ Məlumat Mərkəzi-OMM" xəbər verir ki, Axios nəşri məsələ ilə tanış mənbələrə istinadən məlumat yayıb.
Mənbələrin bildirdiyinə görə, Trampın narazılığı oktyabrın 20-də ABŞ dövlət katibi Marko Rubio ilə Rusiya xarici işlər naziri Sergey Lavrov arasında keçirilən telefon danışığından sonra daha da artıb.
“Telefon danışığı nəticəsiz başa çatdı və belə qənaətə gəlinib ki, ruslar müharibəni dayandırmaq üçün razılığa gəlmək niyyətində deyillər. Buna görə də Tramp ilə Putin arasında görüş keçirməyin mənası yoxdur”, – nəşr qeyd edib.
Axios əlavə edir ki, bu söhbətdən sonra ABŞ rəhbərliyində Rusiya ilə dialoqun davam etdirilməsinin məqsədəuyğunluğu barədə suallar yaranıb.
