Paraqvayda hüquq-mühafizə orqanlarının keçirdiyi əməliyyat zamanı 57 ton marixuana müsadirə edilib.
"Operativ Məlumat Mərkəzi-OMM" xəbər verir ki, bu barədə ölkə prezidenti Santyaqo Pena "X" sosial şəbəkəsindəki səhifəsində bildirib
“Biz "Maranqatu" əməliyyatı ilə mütəşəkkil cinayətkarlığa güclü zərbə vura bildik”, - o qeyd edib.
Pena bildirib ki, narkotik alverçiləri marixuananı Braziliyaya göndərməyi planlaşdırıblar. Onun sözlərinə görə, bu, müsadirə edilən ən böyük narkotik daşımalarıdır.
Pena əlavə edib ki, əməliyyat nəticəsində 4 nəfər saxlanılıb.
