Banqladeşin keçmiş Baş naziri Şeyx Hasinanın iqamətgahı əyalətin paytaxtı Dəkkədə sakinlər tərəfindən dağıdılıb və yandırılıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Yanğından əvvəl iqamətgahın qarşısında toplaşan bir neçə yüz insan Şeyx Hasinanın rəhbərlik etdiyi keçmiş hakim Avami Liqası partiyasına qadağa qoyulması çağırışları səsləndirib.
Yanğın 4 mərtəbəli binaya xeyli ziyan vurub və polis yanğın törədənləri həbs etməyib.
Şeyx Hasinanın iqamətgahına hücumla eyni vaxtda Ayrı-seçkiliyə Qarşı Tələbələr Hərəkatının üzvləri də daxil olmaqla bir qrup fəal onun atası, Banqladeşin ilk prezidenti Mucibur Rəhmanın Dəkkdəki evinə gecə yürüşü keçirib.
Nümayişçilər tərəfindən ev qarət edilib və yandırılıb. Artıq səhərə qədər işləyən buldozerlər binanı az qala yerlə-yeksan ediblər.
Onlar Şeyx Hasina hökumətinin keçmiş nazirlərindən birinin, Avami Liqasının bir sıra funksionerlərinin evlərini və partiyanın ofisini də qarət ediblər.
