Böyük Britaniya Baş naziri Kir Starmer Əbu-Dabidə Birləşmiş Ərəb Əmirliklərinin Prezidenti Şeyx Məhəmməd bin Zayed Əl Nəhyan ilə görüşüb.
“Operativ Məlumat Mərkəzi-OMM” xəbər verir ki, bu barədə Britaniya hökuməti məlumat yayıb.
Bildirilib ki, Starmer BƏƏ xalqı ilə həmrəyliyini ifadə edib və İranın bombardmanları nəticəsində həlak olanlarla bağlı başsağlığı verib.
Liderlər İranın regionda mülki infrastruktura hücumlarını qəbuledilməz adlandırıblar və bu mövqedə razılığa gəliblər.
Starmer həmçinin ABŞ və İran arasında əldə olunan atəşkəsi alqışlayaraq, bütün tərəfləri bu razılaşmanı qorumağa və regionda davamlı sülhün təmin olunması üçün əməkdaşlığa çağırıb.
Görüşdə Hörmüz boğazı ilə bağlı da müzakirələr aparılıb, qlobal təchizat zəncirlərinin qorunması üçün malların sərbəst axınının bərpasının vacibliyi vurğulanıb.
Tərəflər Böyük Britaniya və BƏƏ arasında innovasiya, ticarət və investisiya sahələrində əməkdaşlığın gücləndirilməsi barədə də razılığa gəliblər.
