OMM Redaksiyası
Birləşmiş Ərəb Əmirliklərinin (BƏƏ) prezidenti Şeyx Məhəmməd bin Zayed Al Nəhyan ABŞ prezidenti Donald Trampla telefon danışığı aparıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, telefon danışığı zamanı liderlər Yaxın Şərqdəki son hadisələri və bu istiqamətdə həyata keçirilən səyləri müzakirə ediblər.
Tərəflər həmçinin müxtəlif əməkdaşlıq və birgə fəaliyyət məsələlərinə, eləcə də hər iki ölkənin maraqları naminə əlaqələrin daha da möhkəmləndirilməsi yollarına toxunublar.
Qeyd edək ki, ABŞ və İsrailin İrana qarşı başlatdığı müharibənin ilk altı həftəsində İran körfəz ölkələri arasında ən böyük zərbəni BƏƏ-yə endirib.
Məlumata görə, İran bu müddət ərzində BƏƏ ərazisinə 530-dan çox ballistik raket, onlarla qanadlı raket və 2 200 pilotsuz uçuş aparatı göndərib.
