Profil
Tərcümeyi-hal
Azərbaycan Respublikası ekologiya və təbii sərvətlər nazirinin müavini
02 aprel 1973-cü il təvəllüdlüdür. 1995-ci ildə Gəncə Dövlət Universitetini “biologiya və kimya” ixtisası üzrə, 2014-cü ildə Azərbaycan Respublikasının Prezidenti yanında Dövlət İdarəçilik Akademiyasını “dövlət və bələdiyyə idarəetməsi” ixtisası üzrə bitirmişdir. 1995-1998-ci illərdə AMEA-nın Botanika İnstitutunun aspiranturasında təhsil almış, 1998-2008-ci illərdə həmin İnstitutda elmi işçi, aparıcı elmi işçi, böyük elmi işçi, laboratoriya və şöbə müdiri vəzifələrində çalışmışdır. 2008-ci ildən 2010-cu ilədək SOCAR-ın Ekologiya İdarəsinin Yaşıllaşdırma departamentinin rəis müavini və rəisi vəzifələrində işləmiş, 2010-cu ildə Ekologiya İdarəsinin rəis müavini vəzifəsinə təyin edilmişdir. 2012-ci ildən 2018-ci ilədək SOCAR-ın “Azərikimya” İstehsalat Birliyinin icraçı direktorunun müavini vəzifəsində çalışmışdır. 2018-ci ilin 11 iyun tarixindən Azərbaycan Respublikası ekologiya və təbii sərvətlər nazirliyinin Aparat rəhbəri vəzifəsində çalışmış, 14 aprel 2020-ci il tarixindən nazir müavini vəzifəsinə təyin olunmuşdur. Azərbaycan Respublikası Ali Attestasiya Komissiyasının 2001-ci il 19 yanvar tarixli qərarı ilə “biologiya elmləri namizədi” alimlik dərəcəsi, 2017-ci il 16 mart tarixli qərarı ilə “botanika ixtisası üzrə dosent” elmi adı verilmişdir. 65 elmi əsərin, o cümlədən 3 kitabın müəllifi, Azərbaycan Respublikasının Qırmızı Kitabının II və III nəşrinin həmmüəlliflərindən biridir. 19 sentyabr 2016-cı ildə Azərbaycan Respublikası Prezidentinin Sərəncamı ilə “Tərəqqi” medalı, 2023-cü ildə “Ətraf mühitin mühafizəsi sahəsində fərqlənməyə görə” medalı, 2023-cü ildə "Heydər Əliyevin 100 illiyi (1923–2023)" yubiley medalı ilə təltif olunmuşdur.Yeni Azərbaycan Partiyasının üzvüdür.
Ayın II və IV həftəsinin II günü 15:00 – 16:00
