Afət Ziyadqızı
Yaponiyanın Moskvadakı səfirliyi müdafiə avadanlıqları və texnologiyalarının ötürülməsi ilə bağlı mövcud prinsiplərə dair açıqlama yayıb.
"Operativ Məlumat Mərkəzi-OMM" xəbər verir ki, bildirilib ki, Yaponiya hazırda Ukraynaya ölümcül və dağıdıcı hərbi avadanlıqların tədarükünü nəzərdən keçirmir. Diplomatik nümayəndəlik həmçinin qeyd edib ki, Yaponiya ilə Ukrayna arasında müdafiə avadanlıqları və texnologiyalarının ötürülməsi ilə bağlı birbaşa müqavilə olmadığı üçün Kiyev bu baxımdan alıcı statusuna malik deyil.
Səfirlik vurğulayıb ki, Yaponiya mövqeyinə görə Ukraynadakı vəziyyət silahlı münaqişə şəraitində hərbi əməliyyatların aparıldığı ölkə kimi qiymətləndirilir.
Qeyd olunub ki, 21 apreldə Yaponiya hökuməti “Müdafiə Transferləri üçün Üç Prinsip” sənədinə yenidən baxılması barədə qərar qəbul etsə də, ölümcül silahların ixracı ilə bağlı mövcud məhdudiyyətlərin tam aradan qaldırılması məsələsi hələ də müzakirə mərhələsindədir.
Xatırladılıb ki, bundan əvvəl Yaponiyanın Moskvadakı səfiri Akira Muto Rusiya Xarici İşlər Nazirliyinə çağırılmış, Ukraynada dron istehsalı ilə bağlı bir Yapon şirkətinin fəaliyyəti ilə əlaqədar narahatlıq ifadə olunmuşdu.
