Yaponiya hökuməti həm birbaşa, həm də Dünya Bankı vasitəsilə Ukraynaya 4,5 milyard dollar məbləğində yardım edəcək.
"Operativ Məlumat Mərkəzi-OMM" xarici KİV-ə istinadən xəbər verir ki, bunu Yaponiyanın baş naziri Fumio Kişida G7 liderləri ilə onlayn danışıqlar zamanı bildirib.
"Yaponiya bərpa və yenidənqurma, habelə humanitar yardım da daxil olmaqla 1 milyard dollar məbləğində əlavə dəstək göstərmək qərarına gəlib və bu əlavə dəstək də daxil olmaqla Ukraynaya ümumilikdə 4,5 milyard dollarlıq dəstək verməyə hazırdır".
Bundan əvvəl Yaponiya Ukraynaya 7,6 milyard dollardan çox humanitar, ərzaq, maliyyə və digər növ yardımlar göstərdiyini bildirmişdi.
