Yaponiya Braziliyanı 3:2 hesabı ilə məğlub etdi

Yaponiya və Braziliya milli komandaları arasında beynəlxalq yoldaşlıq oyunu noyabrın 14-də keçirilib. Qarşılaşma yaponların 3:2 hesablı qələbəsi ilə başa çatıb.

Yaponiya 15-ci dəqiqədə Takefusa Kubonun qolu ilə hesabı açıb. O, Ritsu Doanın ötürməsindən sonra fərqlənib. Dörd dəqiqə sonra Keito Nakamura Şuto Nakanonun pasını qola çevirərək fərqi artırıb.

Braziliyanın Vinisius Junioru 33-cü dəqiqədə Bruno Gimaraeşin ötürməsindən sonra hesab arasındakı fərqi azaldıb. O, 75-ci dəqiqədə yenidən qol vuraraq dubl edib və hesabı bərabərləşdirib.

Taçuhiro Sakamoto 90+1-ci dəqiqədə Yaponiya yığmasının üçüncü qolunu vuraraq yekun hesabı müəyyənləşdirib. Braziliyalı Rafinya 90+2-ci dəqiqədə meydandan qovulub. Görüş Bakı vaxtı ilə saat 14:15-də başlayıb.