“Real Madrid” ikiillik boykotdan sonra “Qızıl top” mərasiminə qayıdır

“Real Madrid” oktyabrın 26-da Londonda keçiriləcək “Qızıl top” mərasimində geniş tərkibdə təmsil olunacaq. Bu barədə L’Équipe məlumat yayıb.

Madrid klubu əvvəlki iki mərasimdə iştirak etməmişdi. 2024-cü ildə “Real Madrid” son anda mərasimə qatılmaqdan imtina etmişdi. Buna Vinisius Juniorun mükafatı “Mançester Siti”nin yarımmüdafiəçisi Rodriyə uduzması da səbəb olmuşdu. 2025-ci ildə mərasimə klubdan yalnız futbolçu Kerolayn Veyr gəlmişdi.

Bu il “Real Madrid”dən bir neçə namizəd Londona yollanacaq. Mərasim “Barselona” ilə “El-Klasiko”dan bir gün sonra keçiriləcək. Kataloniya klubu ilə oyun oktyabrın 25-i, bazar günü baş tutacaq.

“Real Madrid”dən dörd futbolçu namizəd göstərilib: Kilian Mbappe, Mark Kukurelya, Cud Bellinqem və Vinisius Junior. Ayrı-ayrı kateqoriyalarda isə Tibo Kurtua “Mövsümün qapıçısı”, Yan Diomande “Gənc istedad”, Felisiya Şröder isə “Qadınlar arasında gənc istedad” mükafatı uğrunda mübarizə aparacaq.