Afət Ziyadqızı
“Çelsi”nin baş məşqçisi Xabi Alonso yarımmüdafiəçi Enzo Fernandesin Madrid “Real”ına mümkün transferinin qarşısını almağa çalışır.
"Operativ Məlumat Mərkəzi-OMM" xəbər verir ki, bu barədə jurnalist Migel Serrano məlumat yayıb. Bildirilib ki, yeni baş məşqçi kimi fəaliyyətə başlayan ispan mütəxəssis argentinalı futbolçunun komandada qalmasını prioritet hesab edir və onun ayrılmasına mane olmağa çalışır.
Məlumata görə, Alonso Enzo Fernandesin “Çelsi” üçün strateji əhəmiyyət daşıdığını düşünür və klub rəhbərliyinə onun satılmaması ilə bağlı mövqeyini bildirib.
Bununla belə, “Çelsi” rəhbərliyi futbolçunun satışına qərar verərsə, Xabi Alonso alternativ plan üzərində işləyir. Məlumata əsasən, baş məşqçi bu halda “Real Madrid”in yarımmüdafiəçisi Orelien Tçuameni ilə maraqlanır və onun transferini tələb edə bilər.
Qeyd olunur ki, 25 yaşlı Enzo Fernandes ötən mövsüm bütün turnirlərdə 54 oyuna çıxıb, 15 qol vurub və 7 məhsuldar ötürmə ilə yadda qalıb.
