İtaliyanın "Yuventus" klubunun müdafiəçisi Andrea Kambyaso İngiltərə Premyer Liqasına keçə bilər.
"Operativ Məlumat Mərkəzi-OMM" "Gazzetta dello Sport" nəşrinə istinadən xəbər verir ki, futbolçu ilə ciddi maraqlanan klubların sırasında Londonun "Çelsi" təmsilçisi yer alır.
Komandanın yeni baş məşqçisi təyin olunan Xabi Alonso müdafiə xəttini gücləndirmək üçün məhz Kambyasonu heyətdə görmək istəyir.
İspaniyalı mütəxəssisin futbolçunun oyun üslubunu bəyəndiyi və onun "Stamford Bric" stadionuna gətirilməsində maraqlı olduğu vurğulanır.
Hazırda "Transfermarkt" portalı tərəfindən 30 milyon avro dəyərində qiymətləndirilən 24 yaşlı müdafiəçinin "Yuventus"la müqaviləsi 2029-cu ilin ortalarına qədər qüvvədədir.
Ötən mövsüm ərzində Andrea Kambyaso 45 rəsmi matçda meydana çıxıb. O, bu oyunlarda 3 qol vurmaqla yanaşı, 5 məhsuldar ötürmə ilə də yadda qalıb.
