OMM Redaksiyası
Misli Premyer Liqasının I dövrəsinin IX turunda bu gün daha iki oyun keçiriləcək.
Günün ilk oyunu
Saat 16:30-da “Şəfa” “Kəpəz”i qəbul edəcək. Gəncə klubu 11 xalla turnir cədvəlinin 7-ci, meydan sahibləri isə 3 xalla 11-ci pilləsindədir. Qarşılaşma “SOCAR Polymer Arena”da baş tutacaq.
Matçın baş hakimi Cavid Cəlilov olacaq. Ona Kamran Bayramov, Müslüm Əliyev və Kamran Əliyev kömək edəcəklər. VAR-da Vüqar Həsənli, AVAR-da Namiq Hüseynov işləyəcək. Hakim-inspektor Ramil Diniyev, AFFA nümayəndəsi isə Asif Əliyev olacaq.
“Neftçi” evdə oynayacaq
Saat 19:00-da “Neftçi” “Turan Tovuz”u qəbul edəcək. “Ağ-qaralar” 17 xalla ikinci, Qərb təmsilçisi 14 xalla beşinci yerdədir. Görüş “Palms Sports Arena”da keçiriləcək.
Oyunu Əli Əliyev idarə edəcək. Rəhman İmami, Rahil Ramazanov və Elvin Bayramov yan xətt hakimləri olacaq. VAR-da Rəvan Həmzəzadə, AVAR-da Şirmamed Mamedov çalışacaq. Hakim-inspektor Asim Xudiyev, AFFA nümayəndəsi Zümrüd Ağayeva təyin olunub.
Ötən gün “Qəbələ” “Araz-Naxçıvan”ı 2:1, “Zirə” isə “Sumqayıt”ı 3:2 hesabı ilə məğlub edib. Tura oktyabrın 25-də yekun vurulacaq.
