OMM Redaksiyası
İspaniyalı Xabi Alonso İngiltərənin "Çelsi" klubunun baş məşqçisi təyin olunub.
"Operativ Məlumat Mərkəzi-OMM" xəbər verir ki, bu barədə London təmsilçisinin mətbuat xidməti məlumat yayıb.
Alonso iyulun 1-də işə başlayacaq. Onun yeni komandası ilə müqaviləsi dördillikdir.
"Çelsi dünya futbolunun ən böyük klublarından biridir və bu möhtəşəm klubun baş məşqçisi vəzifəsini öz üzərimə götürdüyüm üçün inanılmaz dərəcədə qürur duyuram. Rəhbərliklə söhbətlərimdən aydın olur ki, eyni ambisiyaları bölüşürük. Ən yüksək səviyyədə çıxış edə bilən və kuboklar uğrunda mübarizə apara bilən bir komanda qurmaq istəyirik. Heyətdə istedadlı oyunçular çoxdur və klubun böyük potensialı var. "Çelsi"yə rəhbərlik etmək mənim üçün böyük şərəf olacaq", - deyə X.Alonso bildirib.
44 yaşlı Alonso 2025-ci ilin mayında "Real"a (İspaniya) rəhbərlik etsə də, klub onu bu ilin yanvar ayı istefaya göndərmişdi.
