OMM Redaksiyası
Avstriyada supermarketdə satılan, Almaniya mərkəzli şirkət tərəfindən istehsal edilən uşaq qidasında siçan zəhəri aşkar edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Almaniyada aparılan istintaq çərçivəsində Avstriya səlahiyyətli qurumları məlumatlandırılıb və şübhəli uşaq qidalarının ölkədə dövriyyədə ola biləcəyi ehtimal edilir.
Polis, Avstriyada satışa çıxarılmış ola biləcək uşaq qidalarının zəhərli ola biləcəyi barədə ictimaiyyəti təcili xəbərdar edib
Qeyd olunub ki, Çexiya və Slovakiyada da oxşar şəkildə işarələnmiş məhsullar polis tərəfindən müsadirə edilib və aparılan analiz nəticəsində onların siçan zəhəri tərkibli olduğu müəyyən edilib.
Bildirilib ki, supermarket şəbəkəsi ehtiyat tədbiri olaraq Almaniya mərkəzli şirkətə məxsus bütün uşaq qidası bankalarını satışdan geri çağırıb.
Digər tərəfdən, istehsalçı şirkət bildirib ki, uşaq qidalarına istehsal mərhələsində deyil, sonradan kənar müdaxilə olunmuş ola bilər.
