Türkiyənin Ticarət Nazirliyi ölkə daxilində toyuq əti ixracının sabahdan etibarən dayandırılacağını elan edib.
"Operativ Məlumat Mərkəzi-OMM" xəbər verir ki, bu qərar Ramazan ayı öncəsi istehsalçı və satıcıların qiymətləri təxminən 15 faiz artırmasından sonra qəbul edilib.
Nazirliyin rəsmi açıqlamasında bildirilir ki, məhdudiyyətin əsas məqsədi daxili bazarda məhsul bolluğunu təmin etmək və süni qiymət artımlarının qarşısını almaqdır.
Qurum bazardakı proseslərin yaxından izlənildiyini vurğulayıb.
Qeyd edək ki, bu addım xüsusilə Ramazan ayı ərzində əhalinin ərzaq məhsullarına olan tələbatının daha uyğun qiymətlərlə qarşılanmasına xidmət edəcək.
