Afət Ziyadqızı
ABŞ Prezidenti Donald Trampın təyyarəyə minməsindən əvvəl Merilend ştatındakı Endryus Birgə Hərbi Bazasında təyyarənin şişmə təcili vəziyyət sürüşkəni açılıb.
“Operativ Məlumat Mərkəzi-OMM” xəbər verir ki, hadisə hərbi personalın səhvi nəticəsində baş verib.
Bildirilib ki, Tramp helikopterdən enərək bir müddət gözləyib və daha sonra uçuş-enmə zolağında jurnalistlərə açıqlama verib.
Tramp təhlükəsizliklə bağlı heç bir narahatlığın olmadığını bildirib. Onun sözlərinə görə, personal sürüşkəni və təyyarənin sistemlərini yoxlayıb.
Ağ Evin kommunikasiya direktoru Stiven Çunq da bütün sistemlərin problemsiz işlədiyinə əmin olmaq üçün lazımi yoxlamaların aparıldığını təsdiqləyib.
Yoxlamalar səbəbindən Trampın uçuşu gecikib. Daha sonra təyyarə Dallas şəhərinə problemsiz şəkildə enib.
