Tramp İranı yenidən hədələdi

ABŞ Prezidenti Donald Tramp İranın Natanz yaxınlığında, Kolanq Qaz-La dağı altında yerləşdiyi iddia olunan yeni nüvə obyektini məhv edəcəyi ilə bağlı növbəti dəfə xəbərdarlıq edib.

“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.

“Kirkanın altında nə baş verdiyini dəqiq bilirəm. Bu, bizim üçün böyük problem deyil. Biz onların nüvə obyektlərini məhv etdik. Əgər razılıq əldə olunmasa, Kirkanı da məhv etməli olacağıq. Saziş bağlanmasa, bunu çox asanlıqla edəcəyik”, - ABŞ prezidenti bildirib.

Qeyd edək ki, Tramp son həftələrdə dəfələrlə oxşar bəyanatlarla çıxış edərək, İranla razılıq əldə olunmayacağı təqdirdə ölkənin nüvə infrastrukturlarına qarşı yeni zərbələrin endirilə biləcəyini bildirib.