Tofiq Əliyev dünya çempionatı öncəsi hədəflərini açıqlayıb

Azərbaycan millisinin tamblinq üzrə üzvü Tofiq Əliyev dünya çempionatı öncəsi hədəflərini açıqlayıb.

“Sabah dünya çempionatı üçün Çinə yola düşürük. Hədəfimizə çatmaq üçün yaxşı hazırlıq keçmişik. Artıq yarışmaq və əlimizdən gələni göstərmək vaxtıdır. Çıxış etmək üçün səbirsizlənirəm”, – deyə Əliyev sosial şəbəkə hesabında paylaşım edib.

Batut və tamblinq üzrə dünya çempionatı Çinin Nankin şəhərində keçiriləcək. Noyabrın 4-dən 8-dək baş tutacaq yarışda 34 ölkədən 360-dan çox idmançı medallar uğrunda mübarizə aparacaq.