"Tam toxunulmazlıqla tamamilə təhlükəsiz olacaqsınız, əks halda..." - Tramp

Donald Tramp bütün İran təhlükəsizlik qüvvələrini silahlarını yerə qoymağa çağırıb və İran diplomatlarını sığınacaq axtarmağa çağırıb.

“Operativ Məlumat Mərkəzi-OMM” xəbər verir ki, Tramp açıqlamanı Ağ Evdə jurnalistlərə etdiyi çıxış zamanı bildirib.

Tramp qeyd edib:

“Mən bir daha İslam İnqilabı Keşikçiləri Korpusunu, ordu və polisi silahlarını yerə qoymağa çağırıram. Onlar öldürüləcək. İndi İran xalqının yanında durmağın və ölkələrini geri almağa kömək etməyin vaxtıdır... Sizə toxunulmazlıq verəcəyik... Tam toxunulmazlıqla tamamilə təhlükəsiz olacaqsınız, əks halda ölümünüz təmin ediləcək”.

O əlavə edib ki, dünyanın hər yerindəki İran diplomatları sığınacaq axtarmalı və “böyük potensiala malik daha yaxşı bir İranın formalaşmasına kömək etməlidir”.

Ağ Ev rəhbəri vurğulayıb ki, “Amerika Birləşmiş Ştatları İrana kimin rəhbərlik etməsindən asılı olmayaraq, onun Amerika və ya qonşuları, İsrail və ya başqaları üçün təhlükə yaratmamasını təmin edəcək”.