"İran ABŞ və ya İsrail hərbi bazalarının yaxınlığında yerləşən istənilən su anbarını, limanı və ya elektrik stansiyasını hərbi hədəf kimi qiymətləndirəcək".
“Operativ Məlumat Mərkəzi-OMM” xəbər verir ki, bu sözləri İran parlamentinin sədri Məhəmməd Bağır Qalibaf deyib.
O, bu yanaşmanın ABŞ-nin İranda mülki infrastruktura zərbələr endirərkən istifadə etdiyi məntiqlə eyni olduğunu bildirib.
"ABŞ və ya İsrail bazasının yaxınlığında yerləşən istənilən su anbarı, liman və ya elektrik stansiyası ikilitəyinatlı obyekt hesab olunur. Sizin məntiqinizi ardıcıl və qərəzsiz şəkildə tətbiq edəcəyik", - Qalibaf qeyd edib.
O, ABŞ-ni İranın mülki infrastrukturuna qarşı növbəti zərbələr mərhələsinə hazırlaşmaqda ittiham edib.