OMM Redaksiyası
“Şalke”nin prezidenti Aksel Höfer Bundesliqanın islahatlara ehtiyacı olduğunu bildirib.
O, İngiltərə Premyer Liqası ilə fərqin azaldılması üçün liqanın daha yaradıcı qərarlara ehtiyac duyduğunu qeyd edib. Höferin fikrincə, turnirdə, xüsusilə çempionluq mübarizəsində intriqa kifayət qədər deyil.
Klub rəhbəri çempionun əvvəlcədən müəyyənləşməsi ehtimalını azaltmaq üçün pley-off mərhələsinin tətbiqini təklif edib. Onun modelinə əsasən, mövsümün nəticələrinə görə ən güclü klublar Çempionlar Liqasına vəsiqə qazanmağa davam edəcək. Çempion isə final pley-off mərhələsində müəyyənləşəcək.
Höfer Almaniya Kubokunda “Bavariya”nın hər dəfə qalib gəlmədiyini xatırladıb və çempionluq uğrunda pley-off oyunlarının xarici bazarlarda da maraqla qarşılanacağını bildirib.
“Şalke” prezidenti güclü və cəlbedici Bundesliqanın yaradılmasının vacibliyini vurğulayıb. O, 20 ildən sonra Almaniyada əsas titullar uğrunda mübarizənin başqa ölkələrə keçməməsi üçün indidən addımlar atılmalı olduğunu deyib. Bu barədə “Bild” məlumat yayıb.
