Rusiya Fövqəladə Hallar Nazirliyinin xüsusi reysi Qəzza zolağının əhalisi üçün humanitar yardım yükü ilə Moskva vilayətindən Misirə uçub.
"Operativ Məlumat Mərkəzi-OMM" xəbər verir ki, bu barədə nazirliyin mətbuat xidməti məlumat yayıb.
"Rusiya Federasiyası Prezidentinin tapşırığına uyğun olaraq və Rusiya Federasiyası Hökuməti adından Rusiya Fövqəladə Hallar Nazirliyinin aviasiyası Qəzza zolağının əhalisinə humanitar yardım çatdıracaq.
Yükə 27 ton ərzaq daxildir: un, şəkər, düyü və makaron. Yüklərin boşaldılmasından sonra yardım Misir Qızıl Aypara Cəmiyyətinin nümayəndələrinə təhvil veriləcək və Qəzza zolağına çatdırılacaq".
