Kreml ABŞ–İran gərginliyi ilə bağlı danışıqlarda Rusiyanın roluna aydınlıq gətirib.
“Operativ Məlumat Mərkəzi-OMM” xəbər verir ki, Dmitri Peskov jurnalistlərə açıqlamasında bildirib ki, hazırda Rusiya ABŞ–İran münaqişəsinin həlli üzrə aparılan danışıqlarda vasitəçi rolunu oynamır.
Peskov qeyd edib ki, Fars körfəzindəki vəziyyət “çox kövrək və proqnozlaşdırılması çətin” olaraq qalır, lakin Moskva danışıqlar prosesinin davam etməsinə ümid edir.
Onun sözlərinə görə, Rusiya müxtəlif səviyyələrdə dəfələrlə vurğuladığı kimi, sülh yolu ilə həllin əldə olunması üçün lazım olan istənilən dəstəyi göstərməyə hazırdır.
Peskov əlavə edib ki, Moskva regionda gərginliyin azaldılmasını və diplomatik səylərin gücləndirilməsini dəstəkləyir.
