OMM Redaksiyası
"Milan" klubu heyətini gücləndirmək üçün Lissabonun "Sportinq" komandasının iki əsas oyunçusunu transfer etməyi planlaşdırır.
"Operativ Məlumat Mərkəzi-OMM" xarici KİV-ə istinadən xəbər verir ki, söhbət yarımmüdafiəçi Morten Yulmann və vinger Fransişku Trinkandan gedir.
Komandanın yeni baş məşqçisi Ruben Amorim hər iki futbolçunu prioritet transfer hədəfi kimi müəyyən edib.
Qeyd edək ki, Ruben Amorim bu oyunçularla "Sportinq"də birgə çalışdığı üçün onların potensialına yaxşı bələddir.
Lakin transfer prosesində ciddi maliyyə maneəsi yarana bilər.
İlkin hesablamalara görə, hər iki futbolçunun transferi "Milan"a təxminən 100 milyon avroya başa gələ bilər.
Xatırladaq ki, portuqaliyalı mütəxəssis bu yaxınlarda "Milan"ın sükanı arxasına keçib. O, "rossoneri"yə qoşulmazdan əvvəl "Mançester Yunayted"də çalışıb.
