İngiltərənin "Mançester Siti" klubu yay transfer pəncərəsində heyətini yeni futbolçu ilə gücləndirməyi planlaşdırır.
"Operativ Məlumat Mərkəzi-OMM" "A Bola" nəşrinə istinadən xəbər verir ki, klubun hədəfində Lissabonun "Sportinq" komandasının və Danimarka millisinin yarımmüdafiəçisi Morten Yulmanndır.
Məlumata əsasən, ingilis klubu artıq danimarkalı oyunçunun transferi ilə bağlı danışıqlara başlayıb.
Portuqaliya təmsilçisi aparıcı oyunçularından birinin satışına etiraz etmir. 26 yaşlı xavbekin müqaviləsindəki sərbəst qalma məbləği 80 milyon avro olsa da, "Sportinq" bu keçid üçün 40-50 milyon avro tələb edir.
Xatırladaq ki, Lissabon klubu Yulmannı 2023-cü ilin yayında İtaliyanın "Leççe" komandasından 19,5 milyon avroya transfer etmişdi.
