OMM Redaksiyası
İtaliya millisinin baş məşqçisi Roberto Mançini Millətlər Liqasının oyununda Fransa üzərində qazanılan 3:1 hesablı qələbəni şərh edib. O, futbolçularının çıxışından və nəticədən məmnun qaldığını bildirib.
“Əla oyun oldu, futbolçular möhtəşəm çıxış etdilər və onlara görə çox şadam. Matça gələn azarkeşlər üçün bu qələbə vacib idi”, – Mançini deyib.
Məşqçi qaçırılan penalti ilə bağlı bunun səhv olduğunu söyləyib. Onun sözlərinə görə, belə hallar baş verir, lakin komanda sakitliyini qoruyaraq öz oyununu davam etdirib. Mançini bunu əsas məqam adlandırıb.
O, qələbənin əhəmiyyətinin müəyyən həddə olduğunu vurğulayıb və növbəti mərhələdə Belçikada mütləq qalib gəlməli olduqlarını qeyd edib. Mançinin fikrincə, qarşıda uzun yol var və komanda məqsədinə tədricən çatacaq. Baş məşqçi bu gün gördüklərindən razı qaldığını, İtaliyanın erkən qol buraxmasına baxmayaraq, matçın komandanın xeyrinə daha böyük hesabla başa çata biləcəyini deyib. Onun açıqlamasını Canluka Di Marsionun saytı yayıb.
