“Zirə”nin baş məşqçisi Rəşad Sadıqov Azərbaycan Premyer Liqasının 25-ci turu çərçivəsində “Şamaxı”ya qarşı keçirdikləri oyunu (2:2) şərh edib.
"Operativ Məlumat Mərkəzi-OMM" xəbər verir ki, o, matçdan sonra keçirilən mətbuat konfransında bunları deyib:
“Növbəti maraqlı oyunlardan biri keçdi. Qələbəyə köklənmişdik. Ümumi mənzərə buna yaxın idi. Rəqib qapımıza iki zərbə vurdu. Nəticədə, qollara imza atdılar. Çoxlu hücumlarımız oldu. Lakin fərqlənə bilmədik. Şükürlər olsun ki, bir xal qazandıq. Futbolçularıma təşəkkür edirəm.
Hazırda çempionat elə durumdadır ki, asan oyun yoxdur. Xüsusilə də, aşağı pillələrdə baş verən hadisələr gərginliyi artırır. Biz işimizi görməliyik. Oyunçularımdan narazı ola bilmərəm. Təəssüflər olsun ki, buraxdığımız qolları anlamaqda çətinlik çəkirəm. Belə durumda bir xal da qənimət idi.
Mən futbolu sevə-sevə oynamışam. Bir qərar qəbul edirsən. Daha sonra futbolçunun düşdüyü duruma baxırsan və ona uyğun qərar verirsən. İlin sonuna qədər Nemanya Andelkoviçlə birlikdə olacağıq”.