İspaniya La Liqasının 13-cü turunda “Real Madrid” “Selta”nı 2:1 hesabı ilə məğlub edib. “Santyaqo Bernabeu” stadionunda keçirilən görüşün baş hakimi Adrian Kordero Veqa olub.
Qonaqlar Pablo Duranın 6-cı dəqiqədə vurduğu qolla hesabı açıb. 39-cu dəqiqədə “Real Madrid”in hücumçusu Kilian Mbappe penaltini qola çevirə bilməyib. Cud Bellingem 66-cı dəqiqədə hesabı bərabərləşdirib, Karlos Espi isə 85-ci dəqiqədə Madrid klubuna qələbə qazandıran qolu vurub.
13 oyundan sonra 33 xal toplayan “Real Madrid” turnir cədvəlinin ilk pilləsinə yüksəlib. 13 xalı olan “Selta” 13-cü sıradadır.
“Real Madrid” növbəti oyununu noyabrın 28-də Madriddə “Alaves”ə qarşı keçirəcək. “Selta” isə bir gün sonra doğma meydanda “Vilyarreal”la qarşılaşacaq.