Qobustan Rayon Polis Şöbəsinin əməkdaşları narkotik vasitələrin qanunsuz dövriyyəsinə qarşı növbəti tədbir həyata keçirib. Daxili İşlər Nazirliyindən verilən məlumata görə, əməliyyat zamanı əvvəllər məhkumluq həyatı yaşamış 55 yaşlı Əsəd Musazadə saxlanılıb.
Şəxsi axtarış zamanı ondan narkotik vasitə olan heroin, həmçinin qanunsuz yolla əldə etdiyi “Makarov” markalı tapança və ona aid patronlar aşkar edilərək götürülüb.
Faktla bağlı cinayət işi açılıb. Məhkəmənin qərarı ilə Əsəd Musazadə barəsində həbs qətimkan tədbiri seçilib. Hazırda hadisə ilə bağlı araşdırmalar davam etdirilir.
