Əsas məzmuna keç

Qayınatasını ittiham etdi, özü 11 il 6 ay həbs cəzası aldı - “Atland” müsadirə EDİLDİ

Qayınatasını ittiham etdi, özü 11 il 6 ay həbs cəzası aldı - “Atland” müsadirə EDİLDİ

“Təbriz” MTK-nın xüsusilə külli miqdarda dələduzluqda və başqa cinayətlərdə ittiham olunan rəhbəri Nofəl Hacıyev və şirkətin icraçı direktoru Talış...

en ru

“Təbriz” MTK-nın xüsusilə külli miqdarda dələduzluqda və başqa cinayətlərdə ittiham olunan rəhbəri Nofəl Hacıyev və şirkətin icraçı direktoru Talış Məhəmmədovun üzrə məhkəmə araşdırması başa çatıb.

“Operativ Məlumat Mərkəzi-OMM” “Qafqazinfo”ya istinadla xəbər verir ki, Ağır Cinayətlər Məhkəməsində keçirilən son iclasda hökm oxunub.

Şəlalə Həsənovanın sədrlik etdiyi məhkəmə tərkibi müttəhimi verilmiş ittihamlarla təqsirli hesab edib.

Hökmə əsasən N.Hacıyev 11 il 6 ay azadlıqdan məhrum edilib. T.Məhəmmədova isə şərti cəza verilib. Bundan əlavə, üzərinə həbs qoyulmuş Nabranda yerləşən “Atlant” İstirahət Mərkəzi müsadirə edilib.

Məlumatı vəkil Ceyhun Yusifov saytımıza təsdiq edib.

Qeyd edək ki, Nofəl Hacıyev “Atlant” İstirahət Mərkəzinin rəhbəri Tahir Qədəşovun kürəkəni, eyni zamanda istirahət mərkəzinin şərikidir. İttihama görə, o, vətəndaşlardan alınan 14 milyon manatı “Atlant”ın təmir-tikinti işlərinə yatırıb. Nofəl isə bu işdə qayınatası T.Qədəşovu ittiham edirdi. Onlar istirahət mərkəzinə şərik olublar.

OMM Bot · Bu gün ən çox oxunan 5 xəbəri göstərim?

Müəllif

Jurnalist

Bütün yazıları ›
Növbəti xəbər yüklənir…