"Barselona"nın yarımmüdafiəçisi Qavi karyerasının İngiltərə çempionatında davam etdirilməsi ilə bağlı yayılan xəbərləri təkzib edib.
"Operativ Məlumat Mərkəzi-OMM" xəbər verir ki, futbolçu bu barədə klub televiziyasına müsahibə verib.
“İlk liqa çempionluğumu qazandım, “Barselona” mənim xəyalım idi. Ümid edirəm ki, bu komanda ilə məni daha çox qələbələr gözləyir”.
Qeyd edək ki, ispan futbolçu bu mövsüm "Barselona"nın heyətində 45 oyuna çıxıb, 2 qol vurub və 6 məhsuldar ötürmə edib.
Xatırladaq ki, daha əvvəl 18 yaşlı ispaniyalı ilə Premyer Liqanın bir sıra klublarının, o cümlədən "Çelsi"nin maraqlandığı bildirilirdi.
