OMM Redaksiyası
Norveç millisinin və “Mançester Siti”nin hücumçusu Erlinq Haaland sosial şəbəkə hesabında özünün “Evdə tək” filminin personajları ilə müqayisə edildiyi fotoları paylaşıb.
26 yaşlı futbolçu paylaşımına “Bunu artıq gözümün önündən silə bilmirəm” şərhini yazıb.
Fotolardan birində Haaland aktyor Co Peşinin canlandırdığı Harri obrazı ilə müqayisə olunub. Bu bənzətmə norveçli futbolçunun uzun qəhvəyi palto və qara papaqla ictimaiyyət qarşısına çıxmasından sonra yaranıb.
Digər fotoda isə “Mançester Siti”nin hücumçusu “Evdə tək” filminin baş qəhrəmanı Kevin Makkallisterin üz ifadəsinə bənzər sifət qurub. Kevin obrazını Makoley Kalkin canlandırıb.
