“Qarabağ” 11 ildən sonra Premyer Liqada ardıcıl üç heç-heçə edib

“Qarabağ” Azərbaycan Premyer Liqasında 11 ildən sonra ardıcıl üç oyunda heç-heçə edib. Bu barədə Peşəkar Futbol Liqasından məlumat verilib.

Ağdam klubu “Neftçi” ilə 3:3, “Sabah” və “Qəbələ” ilə isə 0:0 hesablı heç-heçələrə imza atıb. Komanda hər görüşdən bir xal qazanıb.

11 qat ölkə çempionu sonuncu dəfə 2015/2016 mövsümünün ilk yarısında ardıcıl üç matçda heç-heçə edib. 2015-ci ilin dekabrında “Zirə” ilə 0:0, “Sumqayıt”la 2:2, “Qəbələ” ilə isə 1:1 hesablı nəticələr qeydə alınıb.

Bu mövsüm Premyer Liqada komandalardan biri ardıcıl üç dəfə ikinci dəfə heç-heçə edib. Daha əvvəl “Neftçi” “Sabah”la 0:0, “Qarabağ”la 3:3 və “Turan Tovuz”la 1:1 hesablı heç-heçələrə razılaşıb.