OMM Redaksiyası
Rusiya prezidenti Vladimir Putin BRICS-in Yeni Dehlidə keçiriləcək 18-ci sammiti öncəsi bir sıra yüksək səviyyəli görüşlər keçirərək Moskvanın Afrika və Asiya ölkələri ilə siyasi və iqtisadi tərəfdaşlığını möhkəmləndirməyə çalışıb.
Putin Cənubi Afrika prezidenti Siril Ramafosa, Misir prezidenti Əbdülfəttah əs-Sisi və Malayziyanın baş naziri Ənvər İbrahimlə ayrı-ayrılıqda görüşüb. Müzakirələrdə ticarət, təhsil, enerji və texnologiya sahələrində əlaqələrin genişləndirilməsi əsas yer tutub.
Ramafosa ilə görüşdə Putin Moskva ilə Pretoriya arasında münasibətlərin sabit inkişaf etdiyini bildirib. Rusiya lideri iki ölkə arasında ticarət və təhsil əməkdaşlığının artdığını vurğulayıb, həmçinin Cənubi Afrikadan olan tələbələr üçün təqaüd imkanlarının genişləndirildiyini açıqlayıb.
Ramafosa isə əməkdaşlığın davam etdirilməsini alqışlayıb və Cənubi Afrikanın bu ilin sonunda Moskvada keçirilməsi planlaşdırılan Rusiya-Afrika sammitində fəal iştirak etmək niyyətini ifadə edib. Liderlər beynəlxalq məsələləri də müzakirə edib, Putin Cənubi Afrikaya BMT-də Rusiyanın bir sıra təşəbbüslərini dəstəklədiyinə görə təşəkkür edib.
Misir prezidenti Əbdülfəttah əs-Sisi ilə danışıqlarda ticarət və iri infrastruktur layihələri diqqət mərkəzində olub. Liderlər iki ölkə arasında ticarət dövriyyəsinin 10 milyard dolları ötdüyünü qeyd ediblər.
Birgə layihələrin ən böyüklərindən biri Rusiyanın dövlət nüvə şirkəti
