"Belarus rəsmiləri Litva ilə sərhəddə yerləşən keçid məntəqələrinin normal fəaliyyətinin mümkün qədər tez bərpa olunmasına səy göstərirlər".
"Operativ Məlumat Mərkəzi-OMM" xəbər verir ki, bu sözləri Belarusun xarici işlər naziri Maksim Rıjenkov deyib.
“Prezidentə sərhəddə yaranmış vəziyyət, bu vəziyyətin mümkün qədər tez həll olunması və keçid məntəqələrinin açılması istiqamətində Belarus tərəfinin gördüyü tədbirlər barədə məlumat verildi. Bu, ilk növbədə həm Belarus, həm Litva, həm də sərhəddən istifadə edən üçüncü ölkə vətəndaşlarının maraqları naminə edilir. Prezident dövlət sərhədinin fəaliyyətinə dair Litva tərəfi ilə normal münasibətlərin bərpası prosesini sürətləndirmək üçün müvafiq tapşırıqlar verdi”, – nazir bildirib.
Rıjenkovun sözlərinə görə, Minsk Belarus–Litva sərhədinin normal fəaliyyətinin tezliklə bərpasının tərəfdarıdır.
