AVRO-2024-ün 1/8 finalında Portuqaliya millisi Sloveniyaya qalib gəlib.

"Operativ Məlumat Mərkəzi-OMM" xəbər verir ki, normal vaxt 0:0 hesabı ilə başa çatıb.

Komandalar əlavə vaxtda da qol vura bilməyib. Matçın 105-ci dəqiqəsində portuqaliyalı Kriştiano Ronaldo penaltini qaçırıb.

“Frankfurt Arena” gerçəkləşən qarşılaşmada qalib penaltilər seriyasında bəlli olub.

Burada daha dəqiq oynayan (3:0) portuqaliyalılar 1/4 finala yüksələrək Fransaya rəqib olublar.

1/4 finalda Portuqaliya Fransa ilə qarşılaşacaq. Qarşılaşma iyulun 5-də keçiriləcək.

"Yuventus" "Atalanta"nın hollandiyalı yarımmüdafiəçisi Teno Kopmainerslə bağlı rəsmi təklif hazırlayır. 

"Operativ Məlumat Mərkəzi-OMM" xəbər verir ki, bu barədə Fabrizio Romano sosial şəbəkədə hesabında yazıb.

Kopmainers özü "Yuventus"a keçməkdə maraqlıdır. 

Kopmainers zədə səbəbiylə Almaniyada keçirilən Avropa çempionatını qaçırır.

26 yaşlı oyunçu 2021-ci ildən "Atalanta"da çıxış edir.

Futbolçunun "Atalanta" ilə müqaviləsi 2027-ci ilin yayına qədər qüvvədədir.

Naçonun "Real"dan ayrılmasından sonra "kral klubu" yeni mərkəz müdafiəçisi axtarışına başlayıb.

"Operativ Məlumat Mərkəzi-OMM" "The Sun" qəzetinə istinadən xəbər verir ki, Madrid klubu "Kristal Pelas"ın futbolçusu Mark Qehayanı yaxından izləyir.

Hazırda 23 yaşlı müdafiəçi İngiltərə yığmasında Avropa çempionatında yüksək səviyyədə çıxış edir.

"Kristal Pelas" Mark Qehayanı 59 milyon avroya sata bilər.

Türkiyə millisinin futbolçusu Arda Gülər Avropa çempionatlarının tarixinə düşüb.

"Operativ Məlumat Mərkəzi-OMM" Türkiyə mətbuata istinadən xəbər verir ki, gənc yarımmüdafiəçi turnirin tarixində 20 yaşdan aşağı qol vuran və məhsuldar ötürmə edən üçüncü oyunçu olub.

Gürcüstanla qrup mərhələsinin ilk tur oyununda rəqib qapısına yol tapan futbolçu Avstriya ilə 1/8 final matçında (2:1) isə məhsuldar ötürmə ilə yadda qalıb.

Qeyd edək ki, Arda Güləş İspaniyanın “Real Madrid” klubunda çıxış edir.

"Kəpəz" klubu üç legioner futbolçusu ilə vidalaşıb.

"Operativ Məlumat Mərkəzi-OMM" klubun mətbuat xidmətinə istinadən xəbər verir ki, Olavale Onanuqa, İqor Rodriges və Georgi Papunaşvili ilə müqavilənin müddəti başa çatıb.

Bu səbəbdən adıçəkilən oyunçular komandanı tərk ediblər.

Almaniyada təşkil olunan futbol üzrə Avropa çempionatında 1/4 final mərhələsinin cütləri müəyyənləşib.

"Operativ Məlumat Mərkəzi-OMM" xəbər verir ki, bu gün baş tutan 1/8 final mərhələsinin iki oyunundan sonra 1/ 4 finalda üz-üzə gələcək komandalar dəqiqləşib.

Avropa çempionatı
1/4 final cütləri

İspaniya - Almaniya
Portuqaliya - Fransa
İngiltərə - İsveçrə
Niderland – Türkiyə

Qeyd edək ki, bu raundun qarşılaşmaları 5-6 iyul tarixlərində olacaq. AVRO-2024 iyulun 14-də başa çatacaq.