Afət Ziyadqızı
Polşa Silahlı Qüvvələrinin hər bir əsgəri fərdi pilotsuz uçan aparat alacaq.
"Operativ Məlumat Mərkəzi-OMM" xəbər verir ki, bunu respublikanın müdafiə naziri Vladislav Kosiniyak-Kamış bildirib.
"Tezliklə hər bir əsgər fərdi pilotsuz uçan aparatla təmin olunacaq və bu cihazları idarə etmək Polşa ordusunda adi bir bacarıq olacaq", - Kosiniyak-Kamış deyib.
Məlumata görə, yeni kurrikulumda gələcək hərbi qulluqçuların artıq ali təhsil alma mərhələsində dron və pilotsuz gəmilərlə işləmək üzrə praktiki bacarıqlara yiyələnmələri nəzərdə tutulur. Təlimlərin Polşada 15 ayrı hərbi məktəbdə keçiriləcəyi gözlənilir.
Kosinyak-Kamış gələcəyin əsgərlərinin yaxşı təlim keçməli və savadlı olmalarını vurğulayıb.
