Afət Ziyadqızı
Rusiya prezidentinin mətbuat katibi Dmitri Peskov bildirib ki, Moskva ilə Tehranın qarşılıqlı fəaliyyəti Rusiya-Amerika münasibətlərinin intensivliyi ilə bağlı deyil.
"Operativ Məlumat Mərkəzi-OMM" xəbər verir ki, o, jurnalistin ABŞ prezidenti Donald Trampın Rusiyanın İranla əməkdaşlığını başa çatdırmaq istəməsi barədə Kremlin mövqeyi ilə bağlı sualını belə cavablandırıb.
Mətbuat katibi vurğulayıb ki, Moskva Tehranla tərəfdaşlığı yüksək qiymətləndirir və onu gücləndirmək, o cümlədən İranın nüvə proqramı ilə bağlı problemlərin həllinə kömək etmək istəyir.
Peskov qeyd edib ki, Vladimir Putin və Donald Tramp telefon danışığında İranın nüvə proqramını müzakirə ediblər. Bununla belə, Dmitri Peskovun sözlərinə görə, dialoqun əsas məsələləri arasında Rusiya-Amerika münasibətlərinin yaxşılaşdırılması olub.
