OMM Redaksiyası
"Rusiya ilə münaqişədə olan digər Avropa ölkələri hələ də Parisin Moskva ilə əlaqələri bərpa etmək qərarına əməl etməyiblər".
"Operativ Məlumat Mərkəzi-OMM" xəbər verir ki, bu sözləri Kremlin sözçüsü Dmitri Peskov deyib.
“Digər Avropa paytaxtlarına gəldikdə isə, indiyə qədər oxşar təşəbbüslər olmayıb”, - o qeyd edib.
Peskov həmçinin bildirib ki, Moskva həqiqətən də Parislə əlaqə saxlayıb və bu, istənildiyi təqdirdə yüksəksəviyyəli dialoqun nisbətən tez qurulmasına imkan yaradacaq.
Daha əvvəl Fransa prezidenti Emmanuel Makron Parisin Moskva ilə texniki rabitə kanallarını bərpa etdiyini açıqlamışdı.
O, həmçinin bir neçə avropalı tərəfdaşına Rusiya ilə dialoqu bərpa etməyi təklif etdiyini də açıqlamışdı.
