Afət Ziyadqızı
Ermənistanın Baş naziri Nikol Paşinyan BMT-nin İqlim Dəyişikliyi üzrə Çərçivə Konvensiyasının Tərəflər Konfransının 31-ci sessiyasında (COP31) iştirak etmək üçün Antalyaya səfər etməyi planlaşdırır.
“Operativ Məlumat Mərkəzi-OMM” "Sputnik Armenia"ya istinadən xəbər verir ki, hökumətin iclasından sonra keçirilən brifinqdə jurnalistlərin suallarını cavablandıran N.Paşinyan belə bir niyyətinin olduğunu təsdiqləyib.
Noyabrın 9-dan 20-dək Türkiyənin Antalya şəhərində keçiriləcək COP31 sammiti ilk dəfə bu ölkənin ev sahibliyi ilə baş tutacaq.Tədbir çərçivəsində dünya liderləri, nazirlər, alimlər və vətəndaş cəmiyyəti nümayəndələrinin iştirakı ilə qlobal iqlim məsələləri müzakirə olunacaq.
