Afət Ziyadqızı
Norveç Kral Evi 94 yaşlı şahzadə Astridin vəfat etdiyini açıqlayıb.
“Operativ Məlumat Mərkəzi-OMM” xəbər verir ki, Kral Evinin bəyanatında şahzadə Astridin ölüm xəbərinin böyük kədərlə qarşılandığı bildirilib.
Qeyd olunub ki, o, qardaşı Kral V Haraldın avqustun 28-də vəfatından sonra dünyasını dəyişib.
1932-ci ildə Norveçdə anadan olan Astrid anası Märthanın 1954-cü ildə vəfatından sonra 22 yaşında ölkənin “Birinci xanımı” olub.
Şahzadə Astrid qardaşı Haraldın 1968-ci ildə evlənməsinə qədər 14 il bu vəzifəni yerinə yetirib.
O, sonrakı illərdə də kral ailəsinin rəsmi tədbirlərində iştirak edib.
Şahzadə Astridin sentyabrın 9-da Oslo şəhərində qardaşı üçün keçirilən dəfn mərasimində iştirak etdiyi xatırladılıb.
Norveç Kralı V Harald avqustun 28-də 89 yaşında vəfat edib.
O, 21 fevral 1937-ci ildə anadan olub və atasının 1991-ci ildə ölümündən sonra taxta çıxıb.
